மழை

மழை

கூரையில் விழும் துளியோசை
கூரையை அலைக்கும் காற்றோசை
இடையிடை இடிக்கும் இடியோசை
இவற்றைக் கொண்டே அறிவோமே
எத்துணை மழை பெய்யுதென்று

கூரையால் வடிந்த மழைநீர்
மண்ணில் போட்ட கோலங்கள்
சாலச் சொல்லுமே பெய்த மழையின்
வீச்சும் அளவும் எத்துணையென்று

மழையின் போது புவியில் தோன்றும்
சின்னச் சின்னக் குட்டைகளில்
வீழும் மழைத் துளி
போடும் வட்டமும் பொங்கும் துளியும்
வடிவாய்ச் சொல்லும்
மழையின் கனதி

அத்தனையும் தரும்
மழையின் அளவும்
மனதைக் கவரும்
மழையின் அழகும்
நினைவில் நீங்கா
ஓவியமாமே

நாடகம்

நாடகம்

நடு வயதைக் கடந்தவர்கள்

நடிக்கின்றார் நாடகத்தில்

அவர் போடும் அரிதாரம்

வயதான முதியோராம்

முதியோராய்க் காட்ட அவர்

அடிக்க வேண்டும் வெள்ளைமை

அதை நினைக்கப் பொங்கிடுதே

அடக்க வொண்ணாப் பெருநகை

ஏற்கனவே நரைத்து விட்ட

தாடி தலை மீசையெல்லாம்

கறுப்படித்து வைத்திருக்கும்

அரைக் கிழவரெல்லாமே

அதற்குமேல் அடிக்கின்றார்

வெள்ளை நிறச் சாயந்தான்

நாடகத்துள் நாடகமா

வாழ்க்கையே நாடகமே

வந்து பாரீர் வந்து பாரீர்

நடிகமணி அலங்காரம்